ads
ads

بالفيديو.. مأساة طفلة لـ«حركة ولا كلام»: منة الله تعاني من ضمور بالنخاع الشوكي بدار السلام

النبأ
أحمد عمران

قال سعيد محمد محمود، نجار، والد الطفلة «منة الله» البالغة من العمر 11 عامًا، المريضة بضمور بالنخاع الشوكي بالعمود الفقري، والمقيم 21 شارع صلاح خليفة المتفرع من شارع أبو الوفا بمنطقة دار السلام بالقاهرة، إن مرض ابنته تسبب لها في إعاقة جسدية كاملة «لا تمشي ولا تقف ولا تتحرك.. قعيدة».

يروي والد الطفلة لـ«النبأ»، قائلًا: «نفسي بنتي تخف من مرضها، مش طالب أنها تمشي طبيعية، ولكن تقدر تقوم تخدم نفسها على الأقل، تدخل الحمام، تأكل، تشرب وحدها، تعتمد على نفسها فقط، وأنا تعبت من كثرة اللف على الدكاترة، وأقومها واقعدها والبنت كل مالها وتكبر في السن وأنا مش هعيشلها طول عمري ومش عارف أعمل أيه!».

يتابع النجار: «أنا عندي الغضروف وأمها تعبت من الشيل والحط ومش قادين نسيبها والعمر بيجري وما عندناش غيرها واختها الصغيرة ومش قادرين نجيب عيال تاني عشان لو أمها حملت مش هتقدر تدخلها الحمام خاصة لو أنا مش موجود، وأنا على قد حالي، شغال باليومية _ كل يوم برزقه _ والفلوس اللي بتدخل من شغلي ما بتكفيش يدوب بجيبلها بيهم حفاضات، وعايشيين في شقة عبارة عن أوضة وصالة وحمام بدون مطبخ، ومسكور علي فاتورة كهرباء ومياه وإيجار، علاج الطفلة بنجيبه من مساعدات أهل الخير في المنطقة».

وطالب والد الطفلة «منة الله» المسئولين بوزارة الصحة، مساعدته في علاج ابنته المريضة.

ads