ads

نهى العمروسي تعلن اعتزالها الفن.. والسبب «غير متوقع»

نهى العمروسي
نهى العمروسي
ترنيم محمد


على الرغم من قلة الأعمال التي تقدمها الفنانة نهى العمروسي، لكن يبدو أنها قررت أن تترك مجال الفن، وتعمل بمنهة آخرى.

وكتبت "نهى"، عبر حسابها على موقع التواصل الاجتماعي "فيسبوك": "أنا قررت أدور على مهنة تانية غير الفن.. وأظن إن القرار ده جه متأخر شوية لأني كان لازم أفهم من بدري أن المهنة دي ممكن تقهر صاحبها.. وأنا مش عايزة أموت مقهورة ومكسورة القلب، نفسي أموت مبسوطة وقلبي مرتاح".
نهى العمروسي تعلن

ويبدو أن "نهى" كتبت هذا الكلام بعد مرورها بحالة نفسية سيئة، بسبب حزنها على وفاة المخرج أسامة فوزي، الذي توفي يوم 8 يناير الجاري، إذ كتبت منشورًا عبرت فيه عن حزنها الشديد عليه.

وقالت فيه: "أسامة فوزي صديق أول شلة ليا في الوسط الفني، كنا شلة عيال مننا محسن محي الدين، عبدالله محمود، شيريهان، علاء، عاطف، عادل عوض، هاني جرجس أخو أسامة، ألفت إمام، إيهاب خورشيد، وليلى صديق.. كنا عيال بنتنطط في مسابقات الرقص وبتاخد جوايز وشلة عيال مجانين وأسامة كان معانا في كل بلاوينا بس هو العاقل المثقف العميق".

وتابعت: "فضلنا سنين شلة واحدة وبعدين كبرنا ومبقيناش قريبين زي الأول، بس علاقتي بأسامة فضلت متينة كام سنة كده وبعدين سقطنا من بعض وبعدنا، من أقل من سنتين جه زارني هو وليلى وإيهاب وعلاء ماكنتش عارفه إن دي آخر مرة هشوفه فيها".

وأضافت: "أول واحد مات من الشلة كان عبدالله وبعدين وائل والتالت أسامة، محدش مننا كان يعرف مصيره محدش مننا كان يتخيل مرض عبد الله ورميته في المستشفيات وهو بيصارع السرطان ولا حد مننا كان ممكن يتخيل إن وائل هيموت فجأة وهو بيقرا الجورنال ولا تخيلنا صدمة موت أسامة".

وأكملت: "ياترى مين فينا دوره جاي والباقي هينعوه؟! هتوحشني أوي يا أوس أوس مع إننا كنا بعدنا بس أنت في القلب لو كنت أعرف إن الدور جاي عليك أكيد كنت هسأل عنك أكتر.. سامحني يا حبيبي".
نهى العمروسي تعلن

يذكر أن آخر أعمال الفنانة نهى العمروسي هو مسلسل "الخانكة"، الذي عرض عان 2016، مع الفنانة غادة عبد الرازق.