ads

مواطنة تشكو من «يونيفرسال».. وتؤكد: عايزني أدفع ألف جنيه في تصليح «غسالة» بالضمان

شركة يونيفرسال - أرشيفية
شركة يونيفرسال - أرشيفية


تلقت جريدة «النبأ» شكوى من تقى فراج، حول مماطلة شركة «يونيفرسال» في تصليح عطل «غسال» وإجبارها على دفع ألف جنيه للتصليح بالرغم من وجودها في فترة الضمان.

وقالت «تقى» في شكوتها: «بداية دي غسالة يونفرسال الديجيتال ولسه في ضمان بتاعها، بقي لها 3 أشهر صوتها عالي ولما كلمت خدمة العملاء كان الرد عادي يافندم مع الوقت الصوت بيعالي طيب مركزتش لأن مش بستخدمها كتير يعني استخدم فرد واحد بمعدل مرة في الأسبوع».

وأضافت في شكوتها: «فجأة وهي شاغلة البوردة كله فصلت والغسالة واقفت وقفلت على الغسيل بقي لها 10 أيام كل يوم أكلم خدمة العملاء، أتحايل عليهم يجوا يشوفوها أول مرة خدمة العملاء سئ جدًا وأخدت البيانات وقالت أن رقم الطلب بيكون برقم الموبيل أتصل أكد المعاد يقوليلي لا مفيش بيانات زي ديه على السيستم تاني مرة نفس الكلام تالت مرة قلوليلي أصل السيستم كان في تعديل».

وتابعت في شكوتها: «أنا 3 مرات اغيب من شغلي ومحدش يجي وفي الأخر برضوا يقولي داخلي البيانات من أول جديد 
وحاولت أعمل شكوي في حماية المستهلك قلوليلي لازم رقم شكوي من الشركة نفسها وخدمة العملاء مش راضين يعملوا ليا شكوي».

وواصلت: «بعد عذاب الفني جه وبيقول إن البوردة اتحرقت ولازم تتغير ودي خارج الضمان لان ضمان البوردة سنة وهو أصلا مكتوب في الورق الضمان أنه خمس سنين على الجسم كله داخلي وخارجي وعاوزني أدفع حقها (1000جنيه) وكمان هغير المساعدين علي حسابي وأنا لسه فاضل سنتن على الضمان بتاعي شركة العك، وبحاول معاهم علشان التصليح وقالولي هنبعت حد».

وختمت: «لكن الشركة المحترمة مكلمتنيش، ولما اتصلت، كلموني بأسلوب زي الزفت، وقالولي تم التواصل معاكي على الموبايل والأرضي وانتي مردتيش بقوله لا هو انا هكدب، يقولي معرفش بقي وفوق كل ده تقولي القطعة مش موجودة وهي 1200 جنيه، بمبدأ لو مش عجبك أخبطي دمغك».

وتتلقى جريدة «النبأ»، شكاوى المواطنين على الإيميل التالي: aayez.haky@gmail.com .

مواطنة تشكو من «يونيفرسال»..
مواطنة تشكو من «يونيفرسال»..
مواطنة تشكو من «يونيفرسال»..
مواطنة تشكو من «يونيفرسال»..
مواطنة تشكو من «يونيفرسال»..