ads

كاتبة "اغمز بعينك يا سيسي" لـ وزير النقل: اشتغل رقاصة

غادة الشريف صاحبة مقال اغمز يا
غادة الشريف صاحبة مقال اغمز يا سيسي
متابعات


سخرت الكاتبة الصحفية غادة الشريف، الشهيرة بمقال "يا سيسي .. أنت تغمز بعينك بس" من قرار وزير النقل الدكتور خالد عرفات، بزيادة أسعار تذاكر المترو بنسبة 100%، حيث أصبح سعر التذكرة لجنيهين بدلاً من جنيه واحد فقط.

وأضافت في تدوينة لها عبر صفحتها الشخصية على موقع فيس بوك، أن الوزراء تفننوا في "تقليب" جيوب الشعب، بدلاً من البحث عن خطط بديلة لزيادة دخل الدولة، مشيرةً إلى صدور قرارات للصحافة والإعلام بعدم نقل ردود فعل الناس بعد رفع سعر تذكرة المترو.

وأشارت إلى أن صمت الشارع وعدم تعبيره عن غضبه حيال رفع سعر التذكرة، ليس معناه رضاء الناس أو خوف من المجهول؛ كما أنه ليس دليلاً على حب الشعب للرئيس السيسي.

وتابعت في التدوينة :"من ساعة السيسى ما قال للوزراء إنهم لازم يجيبوا فلوس بأى طريقة، لقينا كل وزير بيتفنن ازاى يقلب جيبك يا حمادة بدل ما يشغل مخه و يبتكر خطة عمل لوزارته تزود الموارد، انشالّه حتى يسرقوا بنك".

وأردفت :"علشان كده وزير النقل الجديد أصابه سعار رفع سعر التذاكر، و بعد ما رفع تذكرة المترو هيرفع تذكرة أوتوبيسات النقل العام.. أصله مستعجل على رضا سِيده. ربنا يستر بقى و ما نلاقيش مسئول رايح يشتغل رقاصة (شيك شاك شوك).. وللا نلاقى وزير بيفكر يبيع نفسه، زى ما واحد صاحبنا كان قال على نفسه قبل كده، و كسفنا و جابلنا الكلام".

وقالت :"لكن يبدو كده ان أوامر عليا صدرت للإعلام انه ما ينقلش رد فعل الناس بعد قرار رفع سعر تذكرة المترو علشان انت فى البيت تصدق بسذاجتك ان الناس متفهمة و راضية زى ما الوزير قال، و طبعا لو الإعلام لم ينفذ الاوامر هيبقى "الإعلام المغرض ابن... "..توقع برضه إن واحد ساذج هيطلعلك يقولك إن صمت الشارع "لحد دلوقت" هو ضعف أو إنهاك أو خوف من المجهول.. ده ما تردش عليه سيبه قاعد فى بلد المحبوب او سيبه يتعاطى اللى بيتعاطاه".


واختتمت التدوينة بـ :"أما بقى لو جالك واحد "لا مؤاخذة" برُخصة و قالك إن صمت الشارع سببه حب الشعب للسيسى، فاسحبه من قفاه و شيّله كلب فى إيده اليمين و سيجارة رفيعة فى إيده الشمال، و وقفه تحت أقرب عمود نور.. و سيبه لقضاه.. بس اوعى يسهيك و يهتف تحيا مصر احسن بعد كل مرة يقولوها بيخزوقونا خازوق 4D اكبر م اللى قبله!".